शाळा गुणवत्ता मूल्यांकन व आश्वासन आराखडा (SQAAF) माहिती लिंक भरणेबाबत महत्वाच्या सूचना.

SQAAF लिंक भरणेबाबत महत्वाच्या सूचना

१) एका इमेल आयडी वरून एकाच शाळेची माहिती भरता येते.

२) एका इमेल आयडी वरून एकाच शाळेची माहिती पूर्ण केली व त्यानंतर त्याच लॉगीनमधून दुसरी शाळा भरल्यास पूर्वी भरलेल्या शाळेची माहिती डीलीट होते. व पूर्वी भरलेली शाळा not started च्या यादीत समाविष्ट होते.

३) "शाळा बदला" या टॅबचा वापर शक्यतो करू नये.

४) "शाळा बदला" या टॅबचा वापर केल्यास आपल्या इमेल आयडी वरून यापूर्वी भरलेल्या शाळेची माहिती डीलीट होते.

५) खाते तयार करा या टॅबचा वापर करून प्रथमच नोंदणी करत असल्यास इमेल आयडीची खात्री करण्यासाठी १५० सेंकंदापेक्षा जास्त कालावधी लागण्याची शक्यता आहे. तेव्हा "पुन्हा इमेल पाठवा" या टॅबचा वारंवार वापर केल्यास आपला इमेल आयडी BLOCK होतो, त्यामुळे इमेल आयडीची खात्री करण्यासाठी आपल्या इमेल आयडीवर verification इमेल प्राप्त होईपर्यंत थांबावे/वाट पहावी. इमेल आयडी बरोबर नोंदविला असल्यास आपल्या इमेल आयडीवर इमेल प्राप्त होतोच. परत-परत "पुन्हा इमेल पाठवा" या ठिकाणी क्लिक करू नये.

६) GOOGLE DRIVE वर मानकांचे पुरावे ज्या फोल्डरमध्ये उपलोड करण्यात आले आहेत. त्या फोल्डरची लिंक कॉपी करण्यापूर्वी शेअर टॅबवर क्लिक करून Anyone with the link टॅब निवडून Viewer हा पर्याय निवडावा. तरच आपण नोंदविलेली लिंक / दस्तऐवज बाह्य मूल्यांकनाच्यावेळी पाहता येते.

७) इमेल आयडी नोंदविल्यानंतर इमेल प्राप्त न झाल्याने पुन्हा इमेल आयडी लिंकमध्ये नोंदविण्याचा प्रयत्न वारंवार केल्यास email- already in use असा संदेश प्राप्त होतो. असा संदेश प्राप्त होत असल्यास आपण पासवर्ड बदला या टॅबचा वापर करून तेथे प्रविष्ट केलेला इमेल आयडी नोंदवून आपल्या इमेल आयडीची पुष्टी करून लॉगीन करू शकता व आपल्या शाळेची माहिती नोंदवू शकता.

८) अनेक शाळांनी स्वयं-मुल्यांकनात नोंदविलेली google drive ची लिंक View to anyone with the link केलेली नाही. अशा सर्व, मुख्याध्यापक यांनी आपले google drive चे document/लिंक View to anyone असे करावे. जेणेकरून बाह्य-मूल्यांकनात अडथळा निर्माण होणार नाही.

शाळा गुणवत्ता मूल्यांकन आणि आश्वासन आराखडा (SQAAF) - राज्यस्तरीय मार्गदर्शन समिती बाबत महा राज्य शैक्षणिक संशोधन व प्रशिक्षण परिषदेने दिनांक 18 मार्च 2025 रोजी पुढील प्रमाणे परिपत्रक निर्गमित करून यासाठी मार्गदर्शकांची यादी प्रसिद्ध केली आहे.

शाळा गुणवत्ता मूल्यांकन आणि आश्वासन आराखडा (SQAAF) बाबत राज्यस्तरीय मार्गदर्शन समिती स्थापन करण्याच्या सूचना मा. आयुक्त यांच्या दि. ११.०३.२०२५ राँगीच्या 95 VC मध्ये देण्यात आल्या आहेत. त्यानुसार, राज्य शैक्षणिक संशोधन व प्रशिक्षण परिषद महाराष्ट्र, पुणे येथे शाळा गुणवत्ता मूल्यांकन आणि आश्वासन आराखडा (SQAAF) बाबत राज्यस्तरीय मार्गदर्शन समिती खालीलप्रमाणे स्थापन करण्यात आली आहे.

समितीतील सदस्य आणि मार्गदर्शनासाठी दिलेले घटक -

वरीलप्रमाणे राज्यस्तरीय समिती सदस्यांची निवड करून SQAAF मार्गदर्शनासाठी घटक निश्चित करण्यात आले आहेत. तरी समिती संदर्भात माहिती आपल्या जिल्ह्यातील सर्व शाळांच्यापर्यंत पोहोच करून मुख्याध्यापक यांना SQAAF बाबत माहिती भरताना तसेच SQAAF मानका संबंधित कोणतीही समस्या किंवा शंका निर्माण झाल्यास संबंधित समितीतील सदस्यांनकडून तात्काळ मार्गदर्शन घेण्याबाबत अवगत करावे. आपल्या जिल्ह्यातील सर्व शाळांचे मूल्यांकन १००% पूर्ण करून घ्यावे.

राहुल रेखावार (भा.प्र.से.)

संचालक,

राज्य शैक्षणिक संशोधन व प्रशिक्षण परिषद, महाराष्ट्र, पुणे.

प्रत माहितीस्तव :

मा. आयुक्त (शिक्षण), शिक्षण आयुक्तालय, महाराष्ट्र राज्य, पुणे

प्रत कार्यवाहिस्तवः

समिती सदस्य

/२ (यांनी आपणाला सोपविण्यात आलेल्या घटकानुसार जिल्हास्तरीय सदस्यांना तसेच सर्व मुख्याध्यापक यांना मार्गदर्शन करण्यात यावे.)

वरील संपूर्ण आदेश पीडीएफ स्वरूपात डाउनलोड करण्यासाठी खालील वर क्लिक करा.

Download

शाळा गुणवत्ता मूल्यांकन व आश्वासन आराखडा (SQAAF) बाबतची माहिती सोबत दिलेल्या लिंकमध्ये भरणे बाबत राज्य शैक्षणिक संशोधन व प्रशिक्षण परिषद, महाराष्ट्र ने पुढील प्रमाणे निर्देश दिले आहे.

राज्यातील सर्व शाळांचे मूल्यांकन करण्यासाठी राज्य शैक्षणिक सशोधन व प्रशिक्षण परिषद महाराष्ट्र, पुणे येथे राज्य शाळा मानक प्राधिकरण कक्षाची स्थापना करण्यात आली आहे. संदर्भ क्र.२ नुसार राज्यातील सर्व माध्यमांच्या व सर्व व्यवस्थापनाच्या शाळांसाठी शाळा गुणवत्ता मूल्यांकन व आश्वासन आराखड्याची (SQAAF) निर्मिती करण्यात आलेली आहे. संदर्भ क्र.३ नुसार सर्व माध्यमांच्या व सर्व व्यवस्थापनाच्या शाळांचे स्वयं-मूल्यांकन करण्यासाठी राज्य शैक्षणिक संशोधन व प्रशिक्षण परिषद महाराष्ट्र, पुणे याच्या maa.ac.in या वेबसाईटवरील SQAAF टॅबवर https://scert-data.web.app/ या नावाने स्वयं-मूल्यांकनासाठीची लिंक उपलब्ध करून देण्यात आली आहे.

तरी, सदरील ऑनलाईन लिकवर माहिती भरणे बाबत आपल्या जिल्ह्यातील सर्व माध्यमांच्या व सर्व व्यवस्थापनाच्या शाळांना आपल्या स्तरावरून कळविण्यात यावे. तसेच, सदरील लिंक ही दि.२८ फेब्रुवारी, २०२५ रोजी सायं. ०५:०० पर्यत भरण्याची कार्यवाही करावी. सदरील लिंकमध्ये माहिती भरण्याची कार्यवाही खाली दिलेल्या सूचनानुसार विहित कालावधीत पूर्ण करण्यात यावी.

१. सर्व माध्यमांच्या व सर्व व्यवस्थापनांच्या शाळांसाठी विकसित करण्यात आलेल्या शाळा गुणवत्ता मुल्याकन आणि आश्वासन आराखड्याची (SQAAF) प्रभावी अंमलबजावणी करण्याची जबाबदारी प्राचार्य, जिल्हा शिक्षण आणि प्रशिक्षण संस्था, शिक्षणाधिकारी (प्राथमिक), व शिक्षणाधिकारी (माध्यमिक) याची असेल.

२. संकेतस्थळावर सर्व शाळांची नोंदणी व स्वयं-मुल्यांकन करून घेण्याची जबाबदारी प्राथमिक शाळांच्या व माध्यमिक शाळांच्या संदर्भात अनुक्रमे शिक्षणाधिकारी (प्राथमिक) व शिक्षणाधिकारी (माध्यमिक) यांची राहील.

३. शाळांना मुल्यांकनासंदर्भात तसेच शाळा विकास आराखडा निर्मिती संदर्भात गरजेनुसार मार्गदर्शन करण्याची जबाबदारी प्राचार्य, जिल्हा शिक्षण आणि प्रशिक्षण संस्था यांची असेल,

४. माहिती भरणे बाबत सर्व मुख्याध्यापक याना सोबत दिलेल्या सूचना पत्राचे अवलोकन करून माहिती भरणे बाबत कळविण्यात यावे.

५. SQAAF बाबत मार्गदर्शनपर व्हिडीओ SCERT, PUNE यांच्या SQAAF टॅबमधील SQAAF व्हिडीओ या सबटॅबवर उपलब्ध करून देण्यात आले आहेत. माहिती भरण्यापूर्वी सर्व मार्गदर्शनपर व्हिडीओ पाहण्यासाठी सूचित करावे.

६. SQAAF बाबत शासन निर्णय SCERT, PUNE यांच्या SQAAF टॅबमधील SQAAF- शासन निर्मान्ध या सबटॅबवर उपलब्ध करून देण्यात आले आहेत. माहिती भरण्यापूर्वी सर्व शासन निर्णयवाचे अवलोकन करणेविषयी सूचित करावे.

७. मुल्यांकनासंदर्भात काही तक्रार असल्यास किंवा SQAAF लिंक भरणे बाबत काही तात्रिक समस्या निर्माण झाल्यास sqaafmh@maa.ac.in या ई-मेल आयडीवर शिक्षणाधिकारी (प्राथमिक/माध्यमिक) यांचे मार्फत कळविण्यात यावे.

८. जिल्ह्यातील सर्व शाळांचे स्वयं-मूल्यांकन पूर्ण झाल्यानतर बाह्य-मूल्यांकनं व त्रयस्थ सत्स्येद्वारे मूल्यांकन केले जाणार आहे. तरी, सर्व शाळांना स्वय-मूल्यांकन करताना वस्तुस्थितीदर्शक माहिती भरणेबाबत कळविण्यात यावे. अवास्तव स्वयं-मूल्यांकन होणार नाही याची खबरदारी संबंधित मुख्याध्यापक व शाळा व्यवस्थापन समिती / शाळा व्यवस्थापन व विकास समिती यांना घेणेविषयी कळविण्यात यावे.

९. स्वयं-मूल्यांकनानंतर यथास्थिती बाह्य-मूल्यांकन व त्रयस्थ संस्थेद्वारे मूल्यांकन केले जाणार आहे.

१०. स्वय-मूल्यांकनानंतर यथास्थिती बाह्य-मूल्यांकनात व त्रयस्थ पक्षाद्वारे केले जाणारे मूल्यांकनात १५% हून अधिक तफावत आढळल्यास संबंधित मुख्याध्यापकावर याबाबतची जबाबदारी निश्चित करण्यात यावी.

११. बाह्य- मुल्यांकनानंतर ज्या मानकामध्ये सुधारणा करण्याची गरज आहे. अशा मानकांचा विकास आराखडा तयार करणे शाळाना बंधनकारक राहील व SOAAF पोर्टलवर अपलोड करणेबाबत सूचना प्राप्त होताच अपलोड करणे बंधनकारक राहील.

१२. बाह्य- मुल्यांकनानंतर /त्रयस्थ पक्षाद्वारे केल्या जाणारे मुल्यांकनानतर मिळालेल्या श्रेणीचा शाळेच्या दर्शनी भागात व शाळेच्या लेटरहेडवर उल्लेख करावा.

१३. स्वयं-मूल्यांकन/बाह्य-मूल्यांकन/त्रयस्थ पक्षाद्वारे केले जाणारे मूल्यांकन करताना खालीलप्रमाणे स्तरनिहाय गुणदान करून संबंधित शाळेची श्रेणी निश्चित करण्यात येईल.