SET Exam 2024 Result Date Update - सेट राज्य पात्रता परिक्षा निकाल सात एप्रिल २०२४ जाहीर! निकाल पाहण्यासाठी सूचना लिंक.

सेट परीक्षा 7 एप्रिल 2024 रिझल्ट जाहीर, आपणास खालील लिंकवर रिझल्ट बघता येईल -

https://setexam.unipune.ac.in/Result.aspx

वरील लिंक वर क्लिक केल्यानंतर पुढील प्रमाणे विंडो ओपन होईल त्यामध्ये सीट नंबर स्वतःचे हॉल तिकीट वर असल्याप्रमाणे नाव जन्मतारीख व मोबाईल नंबर टाकून सर्च रिझल्ट वर क्लिक करा आपल्याला आपला निकाल पुढील प्रमाणे दिसेल

दिनांक २६/०७/२०२४

जाहीर प्रकटन

दि. ७ एप्रिल, २०२४ रोजी आयोजित करण्यात आलेल्या ३९ व्या सेट परीक्षेसाठी SEBC प्रवर्गासाठी आरक्षण लागू करावे किंवा कसे याबाबत मार्गदर्शनपर पत्रव्यवहार सेट परीक्षा विभाग, सावित्रीबाई फुले पुणे विद्यापीठ, पुणे यांच्याकडून महाराष्ट्र शासनास करण्यात आला आहे. शासनाकडून मार्गदर्शन प्राप्त झाल्यानंतरच त्यानुसार कार्यवाही करण्यात येईल. परंतू सेट परीक्षेचा निकाल लवकरात लवकर जाहीर करण्याच्या दृष्टीने सेट विभाग नव्याने एसईबीसी प्रवर्गात समाविष्ट झालेल्या विद्यार्थ्यांकडून त्यांच्या प्रवर्गाची माहिती मागविण्यात येत आहे.

त्यानुसार विद्यार्थ्यांना कळविण्यात येते की, महाराष्ट्र राज्यातील सामाजिक व शैक्षणिकदृष्ट्या मागासवर्गाकरीता आरक्षण अधिनियम, २०२४ अन्वये, जे विद्यार्थी एसईबीसी प्रवर्गात समाविष्ट झाले आहेत अशा विद्यार्थ्यांनी https://setexam.unipune.ac.in या संकेतस्थळावर उपलब्ध असलेल्या Form for SEBC Candidates या शिर्षकांतर्गत उपलब्ध असलेला अर्ज भरण्यासाठी दि. १९/०७/२०२४ ते २५/०७/२०२४ पर्यंत मुदत देण्यात आली होती. परंतू महाराष्ट्रातील अनेक ठिकाणी होत असलेल्या अतिवृष्टीमुळे काही विद्यार्थ्यांना मुदतीत अर्ज भरणे शक्य झाले नसल्याने सदर अर्ज भरण्याची मुदत दि. २७/०७/२०२४ ते २८/०७/२०२४ सायंकाळी ६.०० पर्यंत वाढविण्यात आली आहे.

एसईबीसी प्रवर्गाच्या विद्यार्थ्यांच्या आरक्षणाबाबत महाराष्ट्र शासनाकडून मार्गदर्शन प्राप्त झाल्यानंतर सदर मार्गदर्शनाच्या अधीन राहून दि. ७ एप्रिल, २०२४ रोजी आयोजित करण्यात आलेल्या सेट परीक्षेचा निकाल जाहीर करण्यात येईल, कृपया याची नोंद घ्यावी.

दिनांक: १९/०७/२०२४

जाहीर प्रकटन

त्यानुसार विद्यार्थ्यांना कळविण्यात येते की, महाराष्ट्र राज्यातील सामाजिक व शैक्षणिकदृष्टया मागासवर्गाकरीता आरक्षण अधिनियम, २०२४ अन्वये, जे विद्यार्थी एसईबीसी प्रवर्गात समाविष्ट झाले आहेत अशा विद्यार्थ्यांनी https://setexam.unipune.ac.in या संकेतस्थळावर उपलब्ध असलेल्या Form for SEBC Candidates या शिर्षकांर्गत उपलब्ध असलेला अर्ज दि. १९/०७/२०२४ ते २५/०७/२०२४ पर्यंत भरणे आवश्यक आहे.

महाराष्ट्र राज्यस्तरीय पात्रता परीक्षा सेट बाबत सावित्रीबाई फुले पुणे विद्यापीठाने दिनांक 4 जुलै 2024 रोजी एका जाहीर प्रकटनाद्वारे सेट परीक्षेच्या निकालाबाबत पुढील प्रमाणे सूचना दिल्या आहेत.

सहायक प्राध्यापक पदासाठी राज्यस्तरीय पात्रता परीक्षा

दि. ०४/०७/२०२४

जाहीर प्रकटन

सावित्रीबाई फुले पुणे विद्यापीठातील सेट परीक्षा विभाग हा महाराष्ट्र शासनाची नोडल एजन्सी तसेच विद्यापीठ अनुदान आयोगाच्या मार्गदर्शक तत्वानुसार महाराष्ट्र व गोवा राज्यातील विद्यापीठ आणि वरीष्ठ महाविद्यालयात सहायक प्राध्यापक पदाची पात्रता परीक्षा घेण्याकरीता प्राधिकृत विभाग आहे.

दि. ७ एप्रिल, २०२४ रोजी ३९ व्या सेट परीक्षेचे आयोजन सेट विभागामार्फत महाराष्ट्र व गोवा राज्यातील विद्यार्थ्यांकरीता १७ शहरांमधील विविध महाविद्यालयात करण्यात आले होते. प्रत्यक्ष परीक्षा दिलेल्या विद्यार्थ्यांचे निकाल तयार करण्याचे काम सेट परीक्षा विभागाकडून पुर्णत्वास आले आहे.

परंतू सदर सेट परीक्षेसाठी एसईबीसी प्रवर्गाच्या विद्यार्थ्यांसाठी आरक्षण लागू करावे किंवा कसे याबाबत राज्य शासनाकडून मार्गदर्शन मागविण्यात आले असून याबाबत विद्यापीठाकडून राज्यशासनाकडे पाठपुरावा सुरू आहे. सबब, राज्यशासनाकडून मार्गदर्शन प्राप्त होताच ७ एप्रिल, २०२४ रोजी आयोजित करण्यात आलेल्या सेट परीक्षेचा निकाल जाहीर करण्यात येईल.

निकाल पाहण्यासाठी लिंक👇

https://setexam.unipune.ac.in/

https://setexam.unipune.ac.in/Result.aspx