शैक्षणिक वर्ष २०२५ -२०२६ पासून इयत्ता ११ वी केंद्रीय ऑनलाईन प्रवेश प्रक्रियेची व्याप्ती राज्यभर वाढविणेबाबत व अधिक सुसूत्रता आणण्याबाबत महाराष्ट्र शासनाच्या शालेय शिक्षण व क्रीडा विभागाने दिनांक 25 फेब्रुवारी 2025 रोजी संपूर्ण राज्यात अकरावीच्या केंद्रीय प्रवेश प्रक्रियेची व्याप्ती वाढवणे बाबत पुढील प्रमाणे दिले आहे.
प्रस्तावना:-
सन २००९-२०१० या शैक्षणिक वर्षापासून मुंबई, ठाणे व रायगड जिल्ह्यातील मुंबई महानगर विकास प्राधिकरण (MMRDA) क्षेत्रातील सर्व उच्च माध्यमिक शाळा / कनिष्ठ महाविद्यालयांमध्ये इयत्ता ११ वीचे प्रवेश ऑनलाईन पध्दतीने करण्याबाबत संदर्भाधिन क्रमांक २ येथील दि. २८.०५.२००९ च्या शासन निर्णयान्वये आदेश निर्गमित करण्यात आले आहेत. सदर आदेशामध्ये संदर्भाधिन क्रमांक ३ व ४ येथील शासन निर्णयान्वये वेळोवेळी सुधारणा करण्यात आल्या आहेत.
त्याचप्रमाणे संदर्भाधिन क्रमांक ५ येथील दि. ०३.०३.२०१४ च्या शासन पत्रान्वये सन २०१४-१५ या शैक्षणिक वर्षापासून पुणे व पिंपरी-चिंचवड महानगरपालिका क्षेत्रातील इयत्ता ११ वीचे प्रवेश केंद्रीय ऑनलाईन प्रवेश पध्दतीने करण्याबाबत शासनाने मान्यता दिलेली आहे. मा. उच्च न्यायालय, मुंबई यांनी १२७/२०१४ या जनहित याचिका प्रकरणी दि.०५.०८.२०१५ रोजी दिलेल्या निर्देशानुसार इयत्ता ११ वी ऑनलाईन प्रक्रीयेबाबत सन २०१६-१७ साठी धोरणनिश्चित करून प्रवेश प्रक्रियेमध्ये सुसूत्रता आणण्याच्यादृष्टीने संदर्भ क्रमांक ९ येथील शासन निर्णय निर्गमित करण्यात आला आहे.
सद्यःस्थितीत इयत्ता ११ वी केंद्रीय ऑनलाईन प्रवेश राज्यातील मुंबई (MMRDA), पुणे पिंपरी चिंचवड, अमरावती, नागपूर आणि नाशिक या महानगरपालिका क्षेत्रातील कनिष्ठ महाविद्यालयात राबविण्यात येत आहेत. सदर ऑनलाईन प्रवेश प्रक्रियेची उपयोगीता व व्यवहार्यता लक्षात घेवून तसेच मा. मुख्यमंत्री महोदयांच्या सात कलमी कृती उद्दिष्टांमध्ये असलेल्या EASE OF LIVING या उद्दिष्टान्वये विद्यार्थी व पालकांचे जीवनमान सुखकर बनविणे व याकामी खर्च होणारा वेळ, पैसा व श्रम याचा अपव्यव टाळण्यासाठी शैक्षणिक वर्ष २०२५-२०२६ पासून इयत्ता ११ वी केंद्रीय ऑनलाईन प्रवेश पध्दती राज्यभर राबविण्याची बाब शासनाच्या विचाराधीन होती. त्यानुसार पुढीलप्रमाणे शासन निर्णय निर्गमित करण्यात येत आहे.
शासन निर्णयः-
मुंबई (MMRDA), पुणे, पिंपरी-चिंचवड, अमरावती, नागपूर आणि नाशिक या महानगरपालिका सोबतच इयत्ता ११ वी केंद्रीय ऑनलाईन प्रवेश पध्दती राज्यभर राबविण्याबाबत शासन मान्यता देण्यात येत आहे. शैक्षणिक वर्ष २०२५-२०२६ पासून महाराष्ट्र राज्य क्षेत्रातील सर्व मान्यता प्राप्त उच्च माध्यमिक शाळा/कनिष्ठ महाविद्यालयातील इयत्ता ११ वीचे प्रवेश केंद्रीय ऑनलाईन प्रवेश पध्दतीने करण्याबाबत खालीलप्रमाणे सुधारित कार्यपध्दती अवलंबिण्यात यावी :-
१) इयत्ता ११ वी ऑनलाईन प्रवेश प्रक्रिया मुंबई महानगर विकास प्राधिकरण क्षेत्र (MMRDA), पुणे, पिंपरी-चिंचवड, नागपूर, अमरावती, नाशिक महानगरपालिका क्षेत्रासोबतच सन २०२५-२०२६ या शैक्षणिक वर्षापासून महाराष्ट्र राज्य क्षेत्रातील सर्व मान्यताप्राप्त उच्च माध्यमिक शाळा /कनिष्ठ महाविद्यालयांना लागू राहील.
२) विभागीय शिक्षण उपसंचालक, मुंबई, पुणे, नागपूर, अमरावती, नाशिक, औरंगाबाद, लातूर व कोल्हापूर हे उच्च माध्यमिक शाळा व कनिष्ठ महाविद्यालयांकडून नोंदणी अर्जामध्ये नमूद केलेली माहिती उदा. शाखानिहाय तुकड्या, अनुदानित, विना-अनुदानित, कायम विना-अनुदानित (स्वयंअर्थसहाय्यित) वर्गनिहाय व शाखानिहाय विद्यार्थी प्रवेश क्षमता, कनिष्ठ महाविद्यालयामध्ये उपलब्ध असलेले विषय इत्यादी तपासून शिक्षण संचालक (माध्यमिक व उच्च माध्यमिक) यांनी निश्चित केलेल्या ऑनलाईन सेवा पुरवठादारास विहित कालावधीत उपलब्ध करुन देतील.
३) शैक्षणिक वर्ष २०२५-२०२६ पासून इयत्ता ११ वी केंद्रिय ऑनलाईन प्रवेश प्रकीया राज्यस्तरावर राबविण्यासाठी आयुक्त (शिक्षण), पुणे यांनी नियंत्रण ठेवावे व या संपूर्ण प्रवेश प्रक्रियेची अंमलबजावणी शिक्षण संचालक (माध्यमिक व उच्च माध्यमिक) यांच्या स्तरावर करण्यात यावी.
४) राज्यस्तरावर ऑनलाईन प्रवेश प्रक्रिया राबविण्याच्या दृष्टिने विद्यार्थी व पालकांना प्रवेश पध्दती विषयी माहीती उपलब्ध करुन द्यावी. व आवश्यकता असल्यास याविषयी प्रशिक्षणासाठी व्हिडिओ उपलब्ध करून द्यावे.
५) इयत्ता ११ वी ऑनलाईन प्रवेश प्रक्रिया राज्यस्तरावर राबविण्यासाठी निविदा प्रक्रिया राबविणे व अन्य पुर्वतयारी शिक्षण संचालक (माध्यमिक व उच्च माध्यमिक) यांच्या स्तरावर करण्यात यावी.
६) नियमित चार फेऱ्या पूर्ण झाल्यानंतर इयत्ता अकरावीचे वर्ग सुरू करण्यात यावेत. तद्नंतर इयत्ता ११ वी चे प्रवेश उच्च माध्यमिक व कनिष्ठ महाविद्यालय स्तरावर सर्वांसाठी खुले (OPEN TO ALL) ठेवावेत व सदरचे प्रवेश गुणवत्तेच्या आधारावर करण्यात यावेत. याबाबतचे आदेश संबंधित विभागीय शिक्षण उपसंचालक यांनी उच्च माध्यमिक शाळा / कनिष्ठ महाविद्यालयांना देण्यात यावेत.
७) इ.११ वी मध्ये प्रवेशित होणाऱ्या शेवटच्या विद्यार्थ्यांपर्यंत प्रवेश प्रक्रिया ऑनलाईन पध्दतीनेच होईल.
८) शिक्षण संचालक (माध्यमिक व उच्च माध्यमिक) यांनी इयत्ता ११ वी ऑनलाईन प्रवेश प्रक्रिया राज्यस्तरावर राबविण्यासाठी आवश्यक मार्गदर्शक सुचना त्यांच्या स्तरावरुन निर्गमित कराव्यात.
सदर शासन निर्णय महाराष्ट्र शासनाच्या www.maharashtra.gov.in या संकेतस्थळावर उपलब्ध करण्यात आला असून, त्याचा सांकेतांक क्रमांक २०२५०२२८१८०२५४४९२१ असा आहे. हा आदेश डिजीटल स्वाक्षरीने साक्षांकित करुन काढण्यात येत आहे.
महाराष्ट्राचे राज्यपाल यांच्या आदेशानुसार व नावाने,
(तुषार महाजन)
उप सचिव, महाराष्ट्र शासन.
वरील संपूर्ण शासन आदेश पीडीएफ स्वरूपात डाउनलोड करण्यासाठी खालील Download वर क्लिक करा.
कॅप' अंतर्गत प्रवेश प्रक्रियेचा कालावधी
■ 'कॅप' अंतर्गत नियमित पहिली फेरी राज्य मंडळाच्या दहावीचा निकाल जाहीर झाल्यानंतर सुरू होईल आणि ती १० ते १५ दिवस चालेल. त्यानंतर नियमित दुसरी फेरी आणि तिसरी फेरी प्रत्येकी सात ते आठ दिवस राबविण्यात येईल. त्यानंतर दोन विशेष फेऱ्या होतील. प्रत्येक प्रवेश फेरीसोबत कोट्यांअंतर्गत प्रवेश समांतर सुरू असतील. त्यानंतरही आवश्यकता भासल्यास विद्यार्थ्यांच्या प्रवेशासाठी विशेष फेऱ्या, दैनंदिन गुणवत्ता फेऱ्या होतील. प्रथम येणाऱ्यास प्रथम प्राधान्य (एफसीएफएस) ही फेरी यंदा होणार नाही.
■ इयत्ता अकरावीच्या प्रवेशासाठी संकेतस्थळ :
प्रवेश प्रक्रियेचा तपशील
कार्यवाहीचे टप्पे : कालावधी
■ ■ विद्यार्थ्यांचे प्रत्यक्ष ऑनलाइन नोंदणी करणे, अर्जाचा भाग एक भरणे, अर्ज प्रमाणित करून घेणे : २४ मेपासून सुरू (दहावीच्या निकालापर्यंत)
■ उच्च माध्यमिक विद्यालये, कनिष्ठ महाविद्यालयांची नोंदणी : २२ मेपासून
■ 'कॅप' फेरीसाठी अर्जाचा भाग दोन भरणे, महाविद्यालयांचा पसंतीक्रम नोंदविणे : दहावीचा निकालानंतर सुरू
इयत्ता अकरावीच्या प्रवेशासाठी विद्यार्थ्यांची ऑनलाइन नोंदणी आणि अर्जाचा भाग एक भरण्याची प्रक्रिया येत्या शुक्रवारी (ता. २४) सकाळी अकरा वाजल्यापासून सुरू होईल. या दिवसापासून अर्ज प्रमाणित करण्याची प्रक्रिया सुरू होईल. यंदा तीन नियमित फेऱ्या आणि दोन विशेष फेऱ्या होतील, अशी माहिती माध्यमिक व उच्च माध्यमिक शिक्षण संचालनालयातर्फे देण्यात आली.
शैक्षणिक वर्ष २०२४-२५मध्ये राज्यातील पुणे आणि पिंपरी चिंचवडसह मुंबई महानगर क्षेत्र, नाशिक, अमरावती, नागपूर महापालिका क्षेत्रांतील कनिष्ठ महाविद्यालये आणि उच्च माध्यमिक शाळांमधील अकरावीचे प्रवेश केंद्रीय ऑनलाइन प्रवेश प्रक्रियेमार्फत होतील. त्यानुसार 'मॉक डेमो' नोंदणी अंतर्गत बुधवारी (ता. २२) आणि गुरुवारी (ता. २३) डमी अर्ज भरण्याचा सराव विद्यार्थी-पालक करू शकतील. शुक्रवारपासून प्रत्यक्ष प्रक्रिया सुरू होईल. पहिली विशेष फेरी झाल्यानंतर महाविद्यालयांना अकरावीचे वर्ग सुरू करता येतील, अशी माहिती अकरावीच्या केंद्रीय प्रवेश समितीच्या सदस्य सचिव आणि प्रभारी विभागीय शिक्षण उपसंचालक डॉ. ज्योती परिहार यांनी दिली.
'मॉक डेमो' नोंदणीद्वारे पोर्टलवर डमी लॉगिन सुविधा असेल. शुक्रवारपासून (ता. २४) पोर्टलवर प्रत्यक्ष अर्जाचा भाग एक भरण्याची सुविधा उपलब्ध असेल.
महत्त्वाची माहिती मिळवण्यासाठी आपल्या व्हाट्सअप/टेलिग्राम ग्रुप वर 9765486735 हा नंबर ॲड करावा.
व्हिडिओ स्वरूपात माहिती लाईक शेअर कमेंट करा आमच्या पुढील युट्युब चैनल ला..
https://youtube.com/c/pradipjadhao
नवनवीन शैक्षणिक/शिक्षक व कर्मचारी हिताची माहिती मिळवण्यासाठी खालील व्हाट्सअप ग्रुप वर जॉईन व्हा.
0 Comments