तर मराठा आरक्षण सर्वेक्षण 2024 साठी शाळा सकाळच्या सत्रात भरवाव्या.. शिक्षणाधिकारी

pradipjadhao January 25, 2024

शिक्षणाधिकारी प्राथमिक जिल्हा परिषद पालघर यांनी दिनांक 23 जानेवारी 2024 रोजी काढलेल्या आदेशानुसार मराठा समाज व खुल्या प्रवर्गातील नागरिकांचे सर्वेक्षण करण्यासाठी प्राथमिक शाळांच्या वेळांबाबत पुढील प्रमाणे निर्देश दिले आहेत.

मराठा समाज व खुल्या प्रवर्गातील नागरिकांचे सर्वेक्षणाच्या अनुषंगाने प्राथमिक शिक्षकांना प्रगणक म्हणून सर्वेक्षण करावयाचे आदेश आहेत.

सदर विषयानुसार दिनांक २३/०१/२०२४ ते ३१/०१/२०२४ या कालावधीत ज्या प्राथमिक शाळांतील सर्व शिक्षकांना प्रगणक म्हणून नेमणूक दिलेली आहे, त्याच प्राथमिक शाळा सकाळच्या सत्रात भरविण्यात याव्यात. तसेच याबाबत प्राथमिक शाळांना आपल्या स्तरावरून अवगत करण्यात यावे.

(संगीता भागवत)

शिक्षणाधिकारी (प्राथमिक) जिल्हा परिषद पालघर