प्रवेश पत्रामध्ये नाव/आईचे नाव / जन्मदिनांक/प्रवर्ग या दुरुस्त्या Online पध्दतीने करण्याबाबत महाराष्ट्र राज्य माध्यमिक व उच्च माध्यमिक शिक्षण मंडळात दिनांक 16 जानेवारी 2025 रोजी निर्गमित केलेल्या सूचनेनुसार पुढीलप्रमाणे निर्देश दिले आहेत.
माध्यमिक शालांत प्रमाणपत्र (इ. १० वी) व उच्च माध्यमिक प्रमाणपत्र (इ. १२ वी) फेब्रु-मार्च २०२५ परीक्षेच्या पत्रामधील नाव/आईचे नाव / जन्मदिनांक/प्रवर्ग या इत्यादी दुरुस्त्या Online पध्दतीने Submit करावयाच्या असून शुल्क देखील Online भरायचे आहे तर विषय / माध्यमांच्या दुरुस्त्या या प्रचलील पध्दतीने विभागीय मंडळात प्रत्यक्ष सपंर्क साधुन दुरुस्त्या करण्यात याव्या याबाबत पत्र क्रमांक क्र.रा.मं./परीक्षा-७/१२१ दिनांक:-०९/०१/२०२५ याव्दारे सुचित करण्यात आलेले आहे.
त्याकरीता शाळा कनिष्ठ महाविद्यालयांना Admit Card Corrctions ही Link उपलब्ध करुन देण्यात आलेली असून त्याव्दारे Corrections करुन Online शुल्क भरुन मंडळाकडे मान्यतेसाठी पाठवयाच्या आहेत ज्या दुरुस्त्यांना "Send To Board" असे Status प्राप्त झालेले आहे अशाच दुरुस्त्या विहीत शुल्कासः मंडळाकडे पाठविल्या आहेत असे ग्राहय धरण्यात येईल.
मंडळ स्तरावर Desk1 व Final Authority या User ला जिल्हा / तालुक्याचा Scope देण्यात येऊन त्याच्या Login Id मधून दुरुस्त्या मान्यतेची कार्यवाही करावयाची आहे, दुरुस्ती मान्यता झाल्यानंतर सदर विद्यार्थ्यांचे सुधारीत प्रवेशपत्र "Correction Admit Card" या Option व्दारे शाळा/कनिष्ठ महाविद्यालयाला उपलब्ध होतील.
सबब प्रवेशपत्रातील दुरुस्त्यांबाबत उपरोक्त पदधतीने कार्यावाही करण्यात यावी.
(एच.डी राजपूत)
गणकयंत्र व्यवस्थापक राज्य मंडळ, पुणे - ०४.
फेब्रुवारी-मार्च २०२५ च्या उच्च माध्यमिक प्रमाणपत्र (३.१२ वी) परीक्षेच्या ऑनलाईन प्रवेशपत्रांबाबत बोर्डाच्या सूचना पुढील प्रमाणे.
फेब्रुवारी-मार्च २०२५ च्या उच्ब माध्यमिक प्रमाणपत्र (३. १२ वी) परीक्षेसाठी पात्र विद्यार्थ्यांना प्रवेशपत्रे (Hall Ticket) ऑनलाईन स्वरूपात उपलब्ध करून देण्यात येत आहेत.
त्या अनुषंगाने सूचित करण्यात येते की, आपल्या विभागीय मंडळाच्या कार्यकक्षेतील सर्व उच्च माध्यमिक शाळा/कनिष्ठ महाविद्यालयांना फेब्रुवारी-मार्च २०२५ च्या उच्च माध्यमिक प्रमाणपत्र (इ.१२ वी) परीक्षेची प्रवेशपत्रे (Hall Ticket) ऑनलाईन (Online) पध्दतीने मंडळाच्या www.mahahsscboard.in या संकेतस्थळावर शुकवार दि. १० जानेवारी, २०२५ पासून Admit Card या link व्दारे download करण्याकरिता उपलब्ध होतील.
१ फेब्रुवारी-मार्च २०२५ साठी सर्व विभागीय मंडळाच्या कार्यकक्षेतील सर्व उच्च माध्यमिक शाळा / कनिष्ठ महाविद्यालयांनी इ.१२ वी परीक्षेची ऑनलाईन प्रवेशपत्रे प्रिंट करून विद्यार्थ्यांना द्यावयाची आहेत.
२ प्रवेशपत्र (Hall Ticket) ऑनलाईन (Online) पध्दतीने प्रिंटींग करताना विद्यार्थ्यांकडून त्यासाठी कोणतेही वेगळे शुल्क घेऊ नये. सदर प्रवेशपत्राची प्रिंट काढून त्यावर मुख्याध्यापक/प्राचार्य यांचा शिक्का उमटवून स्वाक्षरी करावी.
३ ज्या आवेदनपत्रांना "Paid" असे Status प्राप्त झालेले आहे त्यांबीच प्रवेशपत्रे "Paid Status Admit Card या पर्यायाव्दारे उपलब्ध होतील.
४ अतिविलंबाने आवेदनपत्रे भरलेल्या व Extra Seat No विभागीय मंडळामार्फत दिलेल्या विद्यार्थ्यांची प्रवेशपत्रे "Extra Seat No Admit Card" या पर्यायाव्दारे उपलब्ध होतील.
Hall ticket 2025
५ Download केलेल्या प्रवेशपत्रामध्ये नाव/आईचे नाव जन्मतारीख अशा दुरूस्त्या असल्यास सदर दुरूस्त्या Online पध्दतीने करावयाच्या असून त्याकरीता Application Correction Link उपलब्ध करून देण्यात आलेली असून विहित दुरूस्ती शुल्क भरून दुरूस्त्या विभागीय मंडळाकडे मान्यतेसाठी पाठविण्यात याव्यात व विभागीय मंडळाच्या मान्यतेनंतर "Correction Admit Card या Link व्दारे सुधारीत Admit Card उपलब्ध होतील. विषय/माध्यम बदल असल्यास प्रचलित पध्दतीनुसार विभागीय मंडळात प्रत्यक्ष संपर्क साधून योग्य त्या दुरूस्त्या करण्यात याव्यात.
६ ज्या आवेदनपत्रांना "Paid" असे Status प्राप्त झालेले नाही अशा आवेदनपत्रांचे शुल्क प्राप्त झाल्यानंतर त्यांचे Status Update होवून "Late Paid Status Admit Card" या Option व्दारे त्यांची प्रवेशपत्रे उपलब्ध होतील.
७ फोटो सदोष असल्यास त्यावर विद्यार्थ्यांचा फोटो चिकटवून त्यावर संबंधित मुख्याध्यापक/प्राचार्य यांनी शिक्का मारून स्वाक्षरी करावयाची आहे.
८ प्रवेशपत्र विद्यार्थ्यांकडून गहाळ झाल्यास संबंधित उच्च माध्यमिक शाळा/कनिष्ठ महाविद्यालयांनी पुनःश्च प्रिंट काढून त्यावर लाल शाईने व्दितीय प्रत (Duplicate) असा शेरा देऊन विद्यार्थ्यांस प्रवेशपत्र द्यावयाचे आहे.
उच्च माध्यमिक शाळा / कनिष्ठ महाविद्यालयांना प्रवेशपत्र download करण्यासंदर्भात काही तांत्रिक अडचण उ‌द्भवल्यास विभागीय मंडळाकडे संपर्क साधणेकरीता सूचित करावे व विभागीय मंडळांनी व्यवस्थापक, गणकयंत्र विभाग, राज्यमंडळ यांचेशी पुढील कार्यवाहीसाठी संपर्क साधावा. No Candidate केलेल्या परीक्षार्थ्यांची प्रवेशपत्रे संबंधित विद्यार्थ्यांना वितरीत करू नयेत अशी स्पष्ट सूचना संबंधित मुख्याध्यापक/प्राचार्यांना आपल्या स्तरावरून देण्यात यावी.
उपरोक्तनुसार आपल्या कार्यकक्षेतील सर्व उच्च माध्यमिक शाळा/कनिष्ठ महाविद्यालयांचे मुख्याध्यापक/प्राचार्य तसेच विद्यार्थी यांना सदर बाब अवगत करून देण्याबाबत पुढील आवश्यक ती कार्यवाही करण्यात यावी व याबाबतचा अहवाल या कार्यालयास सादर करावा.
(देविदास कुलाळ)
सचिव, राज्य मंडळ, पुणे-४.
महाराष्ट्र राज्य माध्यमिक व उच्च माध्यमिक शिक्षण मंडळ, पुणे ४११ ००४.
विषय- उच्च माध्यमिक प्रमाणपत्र (इ.१२वी) व माध्यमिक शालान्त प्रमाणपत्र (इ.१०वी)
वर्ग दहावी बोर्डाची परीक्षा फेब्रुवारी मार्च 2025 वेळापत्रक पीडीएफ डाउनलोड
वर्ग बारावी बोर्डाची परीक्षा फेब्रुवारी मार्च 2025 वेळापत्रक पीडीएफ डाउनलोड.
फेब्रु-मार्च २०२५ लेखी परीक्षा आयोजनाबाबत...
। । प्रकटन । ।
महाराष्ट्र राज्य माध्यमिक व उच्च माध्यमिक शिक्षण मंडळाच्या वतीने पुणे, नागपूर, छ. संभाजीनगर, मुंबई. कोल्हापूर, अमरावती, नाशिक, लातूर व कोकण या नऊ विभागीय मंडळामार्फत घेण्यात येणारी उच्च माध्यमिक प्रमाणपत्र (इ.१२वी) परीक्षा दरवर्षी फेब्रुवारी महिन्याच्या तिसऱ्या आठवडयात व माध्यमिक शालान्त प्रमाणपत्र (इ.१०वी) परीक्षा मार्चच्या पहिल्या आठवडयात आयोजित केल्या जातात. सदर परीक्षांचा ऑनलाईन निकाल अनुक्रमे मे अखेरीस व जूनच्या पहिल्या आठवडयात जाहीर करण्यात येतो.
त्यानंतर अनुत्तीर्ण तसेच श्रेणीसुधार अंतर्गत प्रविष्ट विद्यार्थ्यांसाठी जुलै-ऑगस्टची पुरवणी परीक्षा साधारणतः जुलैच्या तिसऱ्या आठवडयापासून घेतली जाते.
विद्यार्थ्यांच्या पुढील शैक्षणिक वर्षाची प्रवेश प्रक्रिया वेळेवर होणे, व्यावसायिक अभ्यासक्रमाच्या प्रवेश परीक्षा या मंडळाच्या परीक्षेनंतर आयोजित केल्या जात असल्याने अशा परीक्षांचा अभ्यास करण्यास विद्यार्थ्यांना पुरेसा वेळ मिळावा तसेच पुरवणी परीक्षा लवकर घेवून त्याचा निकाल लवकर जाहीर करणे, या बाबींचा सारासार विचार करता सन २०२५ ची फेब्रुवारी-मार्चमध्ये घेण्यात येणारी इ.१२वी व इ.१०वीची परीक्षा नेहमीपेक्षा १८ ते १० दिवस आधी आयोजित करण्याचा मंडळाचा मानस असून त्याअनुषंगाने लेखी, प्रात्यक्षिक व इतर परीक्षा पुढील तारखांना घेण्याचे नियोजित आहे.
लेखी व प्रात्यक्षिक परीक्षा कालावधी
उच्च माध्यमिक प्रमाणपत्र (इ.१२वी) परीक्षा (सर्वसाधारण व व्दिलक्षी विषय) व उच्च माध्यमिक व्यवसाय अभ्यासक्रम
मंगळवार, दि. ११ फेब्रुवारी, २०२५ ते मंगळवार, दि. १८ मार्च २०२५
प्रात्यक्षिक, श्रेणी, तोंडी परीक्षा व अंतर्गत
शुकवार, दि. २४ जानेवारी २०२५ ते सोमवार, १० फेब्रुवारी २०२५
मूल्यमापन
माध्यमिक शालान्त प्रमाणपत्र (इ.१०वी) परीक्षा
शुकवार, दि. २१ फेब्रुवारी, २०२५ ते सोमवार दि. १७ मार्च, २०२५
प्रात्यक्षिक, श्रेणी, तोंडी परीक्षा व अंतर्गत मूल्यमापन
सोमवार, ०३ फेब्रुवारी २०२५ ते गुरूवार, २० फेब्रुवारी २०२५
शाळा / कनिष्ठ महाविद्यालय व विद्यार्थी यांना अभ्यासक्रमाचे नियोजन करण्याचे हेतूने तसेच विद्यार्थ्यांच्या मनावरील ताण कमी होण्याचे दृष्टीने फेब्रुवारी-मार्च २०२५ च्या प्रात्यक्षिक व लेखी परीक्षेच्या वरीलप्रमाणे नियोजित तारखा जाहीर करण्यात येत आहे.
प्रात्यक्षिक परीक्षा, श्रेणी, तोंडी, अंतर्गत मूल्यमापन परीक्षा व लेखी परीक्षांचे सविस्तर विषयांचे वेळापत्रक स्वतंत्रपणे मंडळाच्या संकेतस्थळावर यथावकाश जाहीर करण्यात येईल.
सदर तारखांबाबत काही सूचना, हरकती असल्यास त्या शुक्रवार, दि.२३.०८.२०२४ पर्यंत secretary.stateboard@gmail.com या संकेत स्थळावर पाठवाव्यात. या तारखेनंतर प्राप्त होणाऱ्या सूचनांवर विचार केला जाणार नाही.
उपरोक्त बाबत सर्व संबंधितांनी नोंद घ्यावी.
दिनांक : १२.०८.२०२४
(अनुराधा ओक)
सचिव,
राज्यमंडळ, पुणे ४.
वर्ग दहावा वर्ग बारावा 2024 वेळापत्रक
नमस्कार मित्रांनो, वर्ग दहावी व बारावीच्या परीक्षा ह्या विद्यार्थ्यांच्या जीवनातील एक महत्त्वाचा टप्पा आहे. दहावी आणि बारावीच्या परीक्षांच्या संभाव्य तारखा महाराष्ट्र राज्य माध्यमिक व उच्च माध्यमिक शिक्षण मंडळाकडून नुकत्याच जाहीर करण्यात आलेल्या आहेत. तर 21 फेब्रुवारी 2024 ते 23 मार्च 2024 या कालावधीत बारावीची लेखी परीक्षा होणार आहे. तर 1 मार्च 2024 ते 22 मार्च 2024 या कालवधीत दहावीची लेखी परीक्षा होणार आहेत.
28 ऑगस्ट 2023 रोजी परिपत्रकाच्या माध्यमातून महाराष्ट्र राज्य माध्यमिक व उच्च माध्यमिक शिक्षण मंडळ, पुणे यांच्या वतीने संभाव्य वेळापत्रक प्रसिद्ध करण्यात आले आहे.
संपूर्ण राज्याभरात महाराष्ट्र राज्य माध्यमिक आणि उच्च माध्यमिक शिक्षण मंडळाच्या पुणे, नागपूर, छत्रपती संभाजीनगर, मुंबई, कोल्हापूर, अमरावती, नाशिक, लातूर व कोकण या एकूण नऊ विभागीय मंडळाकडून दहावी व बारावीची परीक्षा फेब्रुवारी-मार्च 2024 मध्ये घेण्यात येणार असल्याचे सांगितले आहे. ssc hsc timetable
बोर्डाच्या फेब्रुवारी-मार्च 2024 मध्ये होणाऱ्या परीक्षांचे हे संभाव्य वेळापत्रक शाळा आणि कनिष्ठ महाविद्यालयांना व तसेच विद्यार्थ्यांना अभ्यासक्रमाचे नियोजन करण्याच्या दृष्टीने आणि विद्यार्थ्यांच्या मनावरील ताण कमी होण्याच्या दृष्टीने हे संभाव्य वेळापत्रक जाहीर करण्यात आलेले असं बोल जात आहे.
प्रचलित पद्धतीनुसार दहावी आणि बारावीच्या ह्या लेखी परीक्षा आयोजित करण्यात येतील याची सर्व शाळा, महावियालये, विद्यार्थी व तसेच पालकांनीही नोंद घ्यावी असेही या परिपत्रकात स्पष्ट करण्यात आलेले आहे.
वेळापत्रकाची देण्यात आलेली मंडळाच्या संकेतस्थळावरील सुविधा ही फक्त सर्वांच्या माहितीसाठी असून, परीक्षेपूर्वी सर्व माध्यमिक शाळा, उच्च माध्यमिक शाळा, व तसेच कनिष्ठ महाविद्यालयांकडे छापील स्वरूपात देण्यात येणारे परीक्षेचे वेळापत्रक हे अंतिम ग्राह्य धरण्यात येईल असे मंडळाकडून सांगण्यात आलेले आहे.
10 वी आणि 12 वी वेळापत्रक :- वेळापत्रक डाउनलोड करण्यासाठी येथे क्लिक कर
⬇️
बारावीचे संपूर्ण वेळापत्रक डाऊनलोड करण्यासाठी खालील Download वर क्लिक करा.
२)
SSC
माध्यमिक शालान्त प्रमाणपत्र परीक्षा
शुक्रवार दि. ०१ मार्च २०२४ ते
शुक्रवार दि. २२ मार्च २०२४
दहावीचे संपूर्ण वेळापत्रक डाऊनलोड करण्यासाठी खालील Download वर क्लिक करा.
परीक्षेच्या तारखांची खात्री मंडळाकडून देण्यात आलेल्या छापील वेळापत्रकावरून करून संबंधित विद्यार्थ्यांनी परीक्षा द्यावी,अशी माहिती बोर्डाकडून देण्यात आलेली आहे.
राज्य शिक्षण मंडळाच्यावतीने इतर संकेतस्थळ, अन्य यंत्रणांवरील छापील वेळापत्रक किंवा social media च्या माध्यमातून व्हायरल होणारे दहावी व बारावीचे परीक्षेचे वेळापत्रक ग्राही धरू नये अशा प्रकारच्या सूचनाही या परिपत्रकातुन करण्यात आलेल्या आहेत.
महाराष्ट्र राज्य माध्यमिक व उच्च माध्यमिक शिक्षण मंडळाकडून प्रात्यक्षिक परीक्षा, श्रेणी, तोंडी परीक्षा आणि अन्य विषयांचे वेळापत्रक स्वतंत्रपणे परीक्षेपूर्वी मंडळामार्फत शाळा आणि कनिष्ठ महाविद्यालयांना वेळोवेळी कळविण्यात येणार आहे अशी माहिती देण्यात आली आहे.
अधिक महितीसाठी www.mahahsscboard.in या अधिकृत वेबसाइटला भेट द्यावी.
महत्त्वाची माहिती मिळवण्यासाठी आपल्या व्हाट्सअप/टेलिग्राम ग्रुप वर 9765486735 हा नंबर ॲड करावा.
व्हिडिओ स्वरूपात माहिती लाईक शेअर कमेंट करा आमच्या पुढील युट्युब चैनल ला..
https://youtube.com/c/pradipjadhao
नवनवीन शैक्षणिक/शिक्षक व कर्मचारी हिताची माहिती मिळवण्यासाठी खालील व्हाट्सअप ग्रुप वर जॉईन व्हा.
 HSC/SSC Hall Ticket 2025 Online Correction परीक्षेच्या ऑनलाईन प्रवेशपत्र दुरुस्ती! लिंक सूचना){kind=link}
0 Comments