विस्तार अधिकारी शिक्षण पदासाठी घेण्यात येणारी परीक्षा 2 नोव्हेंबर 2023 रोजीच होणार! जिल्हा परिषदेची सूचना..

pradipjadhao October 31, 2023

मराठा आरक्षण आंदोलनाच्या पार्श्वभूमीवर अनेक जिल्ह्यांमध्ये संचारबंदी लागू करण्यात आलेली असल्यामुळे जिल्हा परिषद पद भरती सुरू असलेल्या ऑनलाईन परीक्षा पुढे ढकलण्यात येतील का याबाबत उमेदवारांमध्ये संभ्रम निर्माण झाला आहे.

मात्र धाराशिव जिल्हा परिषद सामान्य प्रशासन विभागाने एक प्रसिद्धी पत्र प्रसिद्ध करून परीक्षा ठरलेल्या वेळेवरच होणार आहे काही अडचण आल्यास दिलेल्या संपर्क संपर्क क्रमांकावर संपर्क करावा असे आवाहन केले आहे.

सरळसेवा पदभरती सन-2023 बाबत जाहिर आवाहन

जिल्हा परिषद धाराशिव अंतर्गत सरळसेवा पदभरती सन 2023 साठी दि. 1 नोव्हेंबर, 02 नोव्हेंबर व दिनांक 06 नोव्हेंबर 2023 रोजी विविध 6 संवर्गासाठी ऑनलाईन परिक्षा आयोजित करण्यात आलेल्या आहेत. सदरील ऑनलाईन परिक्षा या ठरलेल्या दिनांकास वेळेवर होणार आहेत. धाराशिव जिल्हयात सध्या संचारबंदी लागू असून जे परिक्षार्थी हे धाराशिव शहरातील नमूद परिक्षा केंद्रावर परिक्षा देणार आहेत, त्यांनी त्यांना नेमून दिलेल्या वेळेवर ऑनलाईन परिक्षेसाठी परिक्षा केंद्रावर उपस्थित रहावयाचे आहे. परिक्षा केंद्रावर उपस्थित राहण्यासाठी आपणाकडील परिक्षेसाठीचे प्रवेशपत्र दर्शविण्यात यावे, याउपरही काही अडचण आल्यास जिल्हा परिषद धाराशिव सामान्य प्रशासन विभागाकडील दुरध्वनी क्रमांक 02472- 223388 वर मोबाईल क्रमांक 8380945077 वर संपर्क साधावा, असे आवाहन जिल्हा परिषद प्रशासनाचे वतीने करण्यात येत आहे. यांचे मान्यतेने

(सुर्यकांत भुजबळ)

उपमुख्य कार्यकारी अधिकारी जिल्हा परिषद धाराशिव.