प्रधानमंत्री पोषण शक्ती निर्माण (शालेय पोषण आहार) योजनेअंतर्गत पाककृती स्पर्धा संपूर्ण माहिती.. स्पर्धेत सहभागी व्हा आणि पारितोषिकही मिळवा

 शिक्षण संचालक प्राथमिक यांनी दिनांक 29 ऑगस्ट 2023 रोजी निर्गमित केलेल्या परिपत्रकानुसार प्रधानमंत्री पोषण शक्ती निर्माण योजनेअंतर्गत पाककृती स्पर्धा आयोजित करणे बाबत शिक्षण अधिकारी प्राथमिक जिल्हा परिषद सर्व व शिक्षणाधिकारी बृहन्मुंबई महानगरपालिका यांना पुढील प्रमाणे निर्देश देण्यात आलेले आहेत.

प्रधानमंत्री पोषणशक्ती निर्माण योजनेअंतर्गत राज्यामध्ये आंतरराष्ट्रीय पौष्टिक तृणधान्य वर्षाची अंमलबजावणी करण्यात येत आहे. प्रस्तुत उपक्रमांतर्गत शाळा / केंद्र व तालुकास्तरावर अनेकविध उपक्रमांची अंमलबजावणी करण्यात येत आहे. सद्यस्थितीमध्ये राज्यामध्ये शाळांमधून मोठ्या प्रमाणात शाळा व्यवस्थापन समिती, पालक, विद्यार्थी व शिक्षक यांनी सहकार्याने परसबाग विकसित केलेल्या आहेत. विकसित करण्यात आलेल्या परसबागेतील उत्पादीत भाजीपाल्याचा समावेश नियमितपणे आहारामध्ये देखील करण्यात येत आहे. केंद्र शासनाने देखील आंतरराष्ट्रीय तृणधान्य वर्षांच्या अनुषंगाने तृणधान्य विषयक जनजागृती करण्याचे निर्देश दिलेले आहेत

बदलत्या जीवनशैलीत जंकफूड खाण्याच्या सवयीमुळे आपल्या आहारातून पौष्टिक तृणधान्यांचा वापर कमी होत चालला आहे. वास्तविकत: पौष्टिक तृणधान्यांचा उपयोग आपल्या रोजच्या ऊर्जेच्या गरजा भागवण्यासाठी होणे आवश्यक आहे. आपला आहार हा कर्बोदके, प्रथिने, जीवनसत्वांनी समृध्द असणे आवश्यक आहे. सदर गरज तृणधान्यामधून भागविणे शक्य आहे. विद्यार्थ्यांना शालेय जीवनातच तृणधान्ययुक्त आहाराची सवय लावणे आवश्यक आहे. याकरीता तृणधान्यापासून निर्मित विविध पाककृतींचा समावेश दैनंदिन आहारामध्ये केल्यास मुलांना वेगळापणा मिळेल व सदरचा आहार विद्यार्थी आवडीने खाऊ शकतील.

देशामध्ये "सप्टेंबर महिना पोषणमाह म्हणून साजरा करण्यात येत आहे. याअनुषंगाने राज्यामध्ये दि. ०१ सप्टेंबर, २०२३ ते दि. १५ सप्टेंबर, २०२३ या कालावधीमध्ये शाळा व तालुकास्तरावर पाककृती स्पर्धाचे आयोजन करावयाचे आहे. पाककृती स्पर्धाचे आयोजनाबाबत खालील प्रमाणे सूचना देण्यात येत आहेत.

१. शाळास्तर:-

• पालक, नागरिक व योजनेअंतर्गत कार्यरत स्वयंपाकी तथा मदतनीस यांच्यासाठी तृणधान्य आधारित पाककृती स्पर्धाचे आयोजन करणे व एका उत्कृष्ट पाककृतींची निवड तालुकास्तरावरील स्पर्धेसाठी करणे.

प्रस्तुत उपक्रमाचे आयोजन शक्यतो सप्टेंबर महिन्याच्या पहिल्या व दुस-या आठवड्यामध्ये करावे.

शाळा परिसरातील जास्तीत जास्त माता पालक या उपक्रमांमध्ये सहभागी होतील याकरीता आवश्यक ती जनजागृती करणेत यावी.

२. तालुकास्तर:-

• शाळास्तरावरील प्रथम क्रमांकाच्या पाककृतींची स्पर्धा तालुकास्तरावर घेणेत यावी..

तालुकास्तरावरील स्पर्धा दुस-या आठवड्यामध्ये घेण्यात यावी.

वरील सर्वोत्कृष्ट पारितोषिक खालीलप्रमाणे

प्रथम

रु. ५०००/-

व्दितीय

रु. ३५००/-

तृतीय

रु. २५००/-

३. पाककृती स्पर्धांचे आयोजन शाळा व तालुकास्तरावर विहित कालावधीमध्ये होईल याची दक्षता शिक्षणाधिकारी (प्राथमिक) यांनी घ्यावयाची आहे.

४. उत्कृष्ट पाककृतीची निवड खालील निकषांच्या आधारे करण्यात यावी.

१) तृणधान्यातील पौष्टिकता

१० गुण 

२) तृणधान्याचा दैनंदिन आहारातील उपयोग

१० गुण 

३) तृणधान्याचा आरोग्यविषयक लाभ

१० गुण

४)तृणधान्याची चव, मांडणी व नाविण्यपूर्णता

१० गुण

५)पाककृती बनविण्याची कृती सुलभता व इंधन बचत

१० गुण

एकूण

५०

५. शिक्षणाधिकारी (प्राथमिक) यांनी स्पर्धेतील विजेत्यांना बक्षीसांचे वितरण करण्याकरीता आवश्यक अनुदानाची मागणी विहित नमुन्यामध्ये संचालनालयाकडे करावी.

६. प्रस्तुत उपक्रमास आवश्यक ती प्रसिध्दी वर्तमानपत्र व समाजमाध्यमाद्वारे देण्यात यावी.

आपल्या जिल्ह्यातील जास्तीत जास्त शाळा पाककृती स्पर्धा या उपक्रमामध्ये सहभागी होतील, याबाबत आवश्यक ती दक्षता घ्यावी.

(शरद गोसावी)

शिक्षण संचालक (प्राथमिक)

वरील संपूर्ण परिपत्रक पीडीएफ स्वरूपात डाउनलोड करण्यासाठी खालील Download वर क्लिक करा.

Download

महत्त्वाची माहिती मिळवण्यासाठी आपल्या व्हाट्सअप/टेलिग्राम ग्रुप वर 9765486735 हा नंबर ॲड करावा.

नियमित अपडेट्स मिळवण्यासाठी गुगल सर्च करा pradipjadhao हा ब्लॉग.

व्हिडिओ स्वरूपात माहिती लाईक शेअर कमेंट करा आमच्या पुढील युट्युब चैनल ला.. 

https://youtube.com/c/pradipjadhao

नवनवीन शैक्षणिक/शिक्षक व कर्मचारी हिताची माहिती मिळवण्यासाठी खालील व्हाट्सअप ग्रुप वर जॉईन व्हा.

Join WhatsgApp Group

जॉईन टेलिग्राम ग्रुप

Thank you🙏