अनुसूचित जातीतून धर्मांतरित बौध्द नागरिकाच्या पाल्यांच्या धर्म व जातीबाबतच्या नोंदणीबाबत - ग्रामविकास विभागाचा शासन आदेश

pradipjadhao May 17, 2023

अनुसूचित जातीतून धर्मांतरित बौध्द नागरिकाच्या पाल्यांच्या धर्म व जातीबाबतच्या नोंदणीबाबत ग्रामविकास विभागाने दिनांक 19 एप्रिल 2023 रोजी शासन आदेशाद्वारे पुढील प्रमाणे निर्देश दिले आहेत.

बालवाड़ी/पहिल्या वर्गात मुलाचे प्रवेश किया नांव नोंदणी करताना विशेषत: अनुसूचित जातीतून धर्मांतरित बौध्द पालकांनी सांगितलेल्या धर्माचे नाव धर्माच्या रकान्यात व अनुसूचित जातीचे नाव जातीच्या रकान्यात नोंद करण्याबाबत सर्व सरकारी, अनुदानित, विना अनुदानित शाळाच्या मुख्याध्यापकांना सूचना देण्याचे निर्देश देण्यात आले आहे.

यानुषंगाने सर्व ग्रामपंचायतींना स्थानिक पातळीवरील शासकीय/अनुदानित/विना अनुदानित शाळा तसेच बालवाड्या येथे प्रवेश घेणाऱ्या अनुसूचित जातीमधून धर्मांतरीत बौध्द नागरिकाच्या पाल्यांच्या धर्म/जातीबाबत नोदीबाबत सामाजिक न्याय व विशेष सहाय्य विभागाच्या दिनांक २२.०१.२०२१ च्या अर्धशासकीय पत्रातील सूचना संबधित शाळा/बालवाच्या यांच्या निदर्शनास आणण्याबाबत सूचित करावे.

तसेच आपल्या अधिनस्त सर्व क्षेत्रिय कार्यालय आणि ग्रामपंचायत कार्यालय येथे देखील वरीलप्रमाणे धर्म/जातीच्या नोंदीबाबत सूचना सर्व अधिकारी/कर्मचारी यांच्या निदर्शनास आणाव्यात.

वरील प्रमाणे निर्देश सर्व मुख्य कार्यकारी अधिकारी जिल्हा परिषद यांना ग्रामविकास विभागाने दिले आहेत.